أول مرة أخذت شهرين

انا من وقت ماكنت مراهقة كنت متاثرة كتير بالافلام والمسلسلات الامريكية. كنت عطول حب اني عيش متلن واتصرف متلن. بعد ما انضجت وبلشت اول علاقة عاطفية الي اكتشفت انو ثقافتي الجنسية معدومة. مع الوقت مع تطور شخصيتي ونفسيتي وانتقالي من مرحلة المراهقة لمرحلة النضوج اتعلمت اكتر عن جسمي وعن النشوة.
ماكان عندي تردد انو انا لازم جرب التجربة الجنسية الكاملة بس كان التردد بسبب عدم ثقتي بالشريك، الي مع انو اتغير مع الوقت بس كنت دايما شاكة.
بعد ماصرت بعمر٢٩ سنة قابلت شريك حياتي وقررت انو هو حيكون الشخص الي بدي اعمل معو انتركورس كامل لاول مرة.
موضوع الثقة كان كتير مهم والخوف من تاثيرات خسارة العذرية واوهام اول مرة ومايرافقها من وجع، كان مسسطر عليي.
طبعا رغم اني اخدت قراري بكامل ارادتي وشريكي كان تماما متفهم لوضعي وما ضغط علبي ابدا، الا انو اكتشفت انو معي التشنج المهبلي.
كان كانو المهبل والفتحة مسكرين تماما. وبالرغم انو دكتورتي اكدتلي انو مافي مشاكل فيزيلوجية الا انو اخدنا شهرين كاملين تقدرنا نعمل انتركورس.
بتذكر اول ماحسيت انو صار في انتركورس بلشت ابكي وبعدت شريكي عني ووقفنا مباشرة.
مع الوقت صار الموضوع اسهل وهلق علاقتنا طبيعية بس اخدت كتير وقت تاتقبل فعليا التجربة واخدت وقت بعدا لاوصل للنشوة.