JADAL

هل الست ممكن تنيك؟

شين

انا وصاحبى بدأنا ندخل كلمة "نيك" فى قاموسنا من فترة، الاول كنت بستغربها ومكنتش بقدر اقولها عشان متعودة اسمعها فى سياق معين وهي متسجلة عندي انها كلمة قليلة الادب، بس مع الوقت واستخدامنا ليها اتحولت لكلمة حلوة معناها لطيف واننا عايزين بعض و بدأنا نستخدم تصريفات للكلمة دى، وفى مرة قلت لصاحبى نفسى انيكك، فهو استغرب شوية وعطل، وحاول يشرح لى انه لغويا دة غلط وان دة له علاقة بفعل الدخول نفسه واللى مش عند الست! انا مفهمتش دة رغم اننا اتكلمنا شوية حلوين وحاولت ابص على المعاجم عشان اشوف مصدرها ومعناها بس بردو مفهمتش. دورت فى اكتر من معجم وكل التعريفات متشابهة، فى معجم المعاني الجامع بيعرف النَّيْكُ انه الجماع ، والفاعل: نائِكٌ، والمفعول به مَنِيكٌ ومَنْيُوكٌ، والأَنثى مَنْيُوكة، وقد ناكَها يَنيكها نَيْكاً والنَّيّاك، الكثيرالنَّيْك.

فالانثى كدة مفعول به على طول ومينفعش تبقى فاعل؟ والذكر ممكن يكون نائك، منيك ومنيوك!

انا قررت ابطل استخدمها مع صاحبى طالما انى مش فاهمة لكن قلتها تانى بعدها بيومين فى ساعة صفا وقالى مش شفتى المعنى فى المعجم، رجعنا دخلنا مناقشة طويلة تانية عشان انا فعلا مش قادرة أفهم المنطق اللغوي. صاحبى قالى بلاش ادخل الجندر فى كل حاجة ودة مش مكانه، بس انا شايفة انه مكانها مش بس عشان اللى حطوا قواعد اللغة رجالة بس الاهم بالنسبة لى ان وجودها بالطريقة دى مش منطقى، يعنى كل مرة اجى اقولها بعطل او لما بكتبها بقف وبحس انى غلطت وافضل اراجع كلامى عشان يبقى صح لغويا.  

انا مش فاهمة ليه ينفع نقول ينيك لغويا وتنيك تبقى مشكلة؟ هل هو ليه علاقة بالفاعلية، مين الفاعل؟ ولا فعل الدخول؟ 

انا حبيت نيك بكل مشتقاتها (انيك، تنيك، ينيك ، ننيك، يتناك، تتناك، منيوك، منيوكة). انا قررت استخدمها من غير تفكير واقولها لما احس انى عايزة اقولها بغض النظر عن منطق اللغة اللى مش عايزة افهمه ومش موافقة عليه!

 

ملحوظة: النص باللهجة المصرية.