زي بعض بس مش أوي

وأنا صغيرة أول تجربة جنسية ليا كانت مع بنت خالتي كنا في ابتدائي كنا بنلمس بعض وأنا فاكرة إني كنت ببقى مبسوطة أوي وهي كمان بدأت أجمّع معنى دا وأنا كبيرة.

node324_img1.png

كنت مسافرة مرّة تدريب في بلد أجنبي ناسه كلها بيضا واتعرفت على ست صديقة زميلتي وقالتلي إنها "جاي وعايزين نروح جاي بار".

node324_img2.png

رحنا أول مكان كان كلّه رجالة وكانوا بيبصّولنا ومكنش شيء مريح رحنا بار تاني وكان كليشيه، كانوا مشغّلين مزيكا بوب هي قعدت تتكلّم عن الجنسانية بتاعتها وقعدت تسألني عني وعن ميولي وعن حالنا في مصر وأنا مش بحب دور الضحية لما نحاول نشرح لحد برة مصر وضع الكويرز في مصر بالذات لو في سياق أبيض لكن هي مكنتش بيضا، كانت من نيجيريا وبدأت تتكلم معايا عن سياقها، إنها مش قايلة لأمها وأهلها، مع إنها عايشة في بلد كلّها امتيازات.

node324_img3.png

فحسيت إن سياقاتنا قريبة من بعض، وإنها كمهاجرة ملوّنة وكوير بتعاني نفس المعاناة اللي بعانيها في مصر. هي كانت ناشطة سياسيًا وبتدرس أدب، وكانت بالنسبة لي سكسي أوي قرّبنا أوي من بعض وحسيت بالألفة. 

node324_img4.png

أول مرّة قعدنا نستكشف شوية تاني مرة شربنا كتير ورحنا على أوضتي بدأنا نبوس ونلمس بعض. 

node324_img5.jpg

هي كان عندها الدورة وكانت متوترة شوية من دا قلتلها إني مش متضايقة ومعنديش مشكلة فهي انبسطت جدًا، إنه أنا عادي مش فارق لي الدم.  وعملنا واحد وكنا مبسوطين أوي كان مختلف أوي، عشان كنت حاسة بجسمها أوي وحسيت إن أجسامنا دابت في بعض.

node324_img6.png

وأنا مسافرة وهي بتوصّلني التاكسي جت تبوسني وأنا اتوترت عشان إحنا في الشارع. بوستها بسرعة ومشيت وبعدها فكرت أنا ليه عملت كدا؟ أنا مش هشوفها تاني؟ ليه بوستها بسرعة كدا؟

بقعد أفكر إن دي أول تجربة وكانت مختلفة جدًا أنا مكنتش مرتاحة للآخر  وهنا بدأ يبان إن حتى لو سياقاتنا قريبة فهي ممكن تبقى عادي بتلعب في شعري في الشارع وتمسك إيدي في المترو وتبوسني قدام المطار في التاكسي، اللي هي حاجة رومانسية جدًا، وأنا فعلًا بحب الحاجات دي أوي،  لكن أنا هتوتر وأبوسها بسرعة وأمشي!